Архив рубрики: Жаңалықтар

Науқан аяқталуға жақын

 

Биылғы жылы Меркілік шаруалар 2334 гектар жерге қант қызылшасын егіп одан мол өнім алуды көздеп отыр. Қазіргі таңда «Сыпатай батыр», «Трансфер» және «Жылыбұлақ» секілді ірі шаруашылықтар жұмысты түгелімен аяқтады. Аудандағы қант қызылшасының өнімділігі орта есеппен 268 центнерді құрапотыр.

Меркі ауданында биыл қант қызылшасын 53- шаруақожалық екті. Қазіргі уақытта оны жинау жұмыстары 70 пайызға аяқталды. Шамамен балтамырдың 1535 гектары жиналып, Меркі қант зауытына өткізілді. Мәселен: «Сыпатай батыр» серіктестігі 200 гектар жерге қант қызылшасын отырғызып, одан 11648 тонна қызылша алды. Осы шаруашылықта 5 жылдан астам жұмыс істейтін агроном Хайруддин Бадалов тәтті түбірдің нағыз табыс көзі екендігін айтады.

Хайруддин Бадалов, агроном

3 рет минералды тыңайтқыш бердік. Негізінен қызылшаның авантаж тұқымы себілді. Сонымен қатар, аздап Немістің КВС, Навелла және Тайфун тұқымдарын сеуіп көрдік. Жалпы, өнім көлемі жаман емес

«Сыпатай батыр» шаруақожалығында қазір қант қызылшасын жинау науқаны түгелімен аяқталды. Жалпы, өнім көлемі де биыл өте жоғары болды дейді серіктестік басшысы. Ол осында тынымсыз еңбек етіп келе жатқан жұмысшылардың арқасы. Қант қызылшасы басқа да дақылдармен салыстырғанда үнемі суғарып тұруды, оны күтіп баптауды қажет етеді дейді 25 жыл осы салада еңбек етіп келе жатқан ауыл тұрғыны.

Ботагөз Беркімбаева, жұмысшы

Бұрын гектарына 300 центнерден ғана өнім алатынбыз. Қазір техника дамыған заман. Адам азайды. Керісінші техника саны артты. Бұл шаруаға да тиімді.

Қант қызылшасын өткізу үшін Меркілік шаруалар ешқайда сабылмайды. Сондықтан да олар келер жылы өнім көлемін одан ары арттырмақ ниетте. Себебі, Меркі қант зауыты қазір модернизациялау жұмыстарынан өткен. Бұл серіктестік келер жылы қант қызылшасы алқабын 300 гектарға дейін ұлғайтады. Өйткені, ол үшін облыс әкімдігі тарапынан қазір толық жағдай жасалып отыр. Тіпті, жанар- жағармайды да төмендетілген бағада алады.

Қанат Шайхиев, еңбек адамы

Жанар –жағармай бағасына облыстың көмегі зор. Біздің шаруашылық күзгі жиын терінге 100 тонна жанар –жағармай алды. Оның бағасы 120 теңгеден айналды. Ол бізге үлкен көмек

Жалпы, Жамбыл облысында биыл 9500 гектар жерге қант қызылшасы егілген болатын. Оны жинау мен өнім алу көрсеткіштері жөнінен Меркі, Т. Рысқұлов, Шу және Қордай аудандары алда келеді.

«Jambyl»

Қант қызылшасын жинау науқаны жүріп жатыр

 

Video Player

Шу ауданында биылғы жылы 1550 гектар жерге қант қызылшасы егілді. Қазір Шулық шаруалар сол егілген өнімді жинау науқанын аяқтауға жақын.

Шу ауданында биылғы жылы 95 гектар жерге қант қызылшасын еккен «Смарт Агро Қарқара» серіктестігі қазір техникалық дақылды жинау жұмыстарына кіріскен. Тамшылатып суару жүйесі арқылы суғарылған тәтті түбірдің шығымы да жаман емес. Олардың кейбірі 10 келіге дейін тартады.

Қуат Көпжасарұлы, агроном

Бізде биылғы жылы арамшөптер проблема болды. Бірақ, оған қарамай жұмыс істедік. Қалғанының бәрі жақсы. Целитрасы мен өзге де минералды тыңайтқыштарын уақтылы бердік

Жалпы, Шулық шаруалардың басым көпшілігі биыл қант қызылшасының авантаж тұқымын егіп отыр. Мұның қанттылығы өте жоғары. Белбасар ауылы маңында егілген қант қызылшасы алқабында қазір жергілікті ауыл тұрғындары да жұмысқа тартылған.

Әлихан Балқыбеков, Шу ауданы әкімінің орынбасары

Негізінен біздің аудан толығымен авантаж тұқымын сеуіп отыр. Оған екі жылдан бері шаруалар да үйреніп қалды. Оның үстіне тұқымның 70 пайызын мемлекет субсидиялайды

Шулық шаруалар жиналған балтамырды Меркі қант зауытына тасымалдайды. Онда баға 18 теңдеген. Оның 8 теңгесін зауыт төлесе, қалған 10 теңгені мемлекет субсидиялайды. Бұл шаруалар үшін үлкен көмек болып отыр.

«Jambyl»

http://taraztv.kz/kz/news/society/kant-kyzylshasyn-zhinau-naukany-zhurip-zhatyr-1

Сатушы да, сатып алушы да дән риза

Қазан айынан бастап әр аптаның сенбісі күні Тараз қаласының Достық алаңында ұйымдастырылатын ауыл шаруашылығы тауар өндірушілерінің жәрмеңкесін жұрт асыға күтеді. Өйткені, бастапқыдай емес, әр жәрмеңке сайын мұнда ағылатын адамдар қарасы арта түсуде. Соған сай саудаланатын тауардың түрі мен мөлшері, тіпті, сауда қатары да көбейген.

Облыстың он ауданынан бірдей жеміс-жидек пен көкөніс, ет, сүт өнімдерінен бастап, қажетті азық-түліктің барлық түрі саудаға нарық бағасынан 10-20 пайыз арзанға өткерілетін жәрмеңкеге, оны ұйымдастырған облыс басшылығына жұртшылық дән риза.

Облыс әкімдігі ауыл шаруашылығы басқармасының берген мәліметінше, бұл жолғы сауда-саттыққа жалпы құны 61,2 миллион теңгені құрайтын 127,4 тонна ауыл шаруашылығы тауарлары ұсынылған. Атап айтқанда, 16 тонна ет (жылқы, сиыр, қой, шошқа және тауық еті), 10,2 тонна сүт өнімдері, 5 тонна шұжық өнімдері, 4 мың дана жұмыртқа, 5 тонна қарақұмық, 5 тонна күріш, 5 тонна қант, 3,5 тонна өсімдік майы, 1,5 тонна балық, 2 тонна бал, 1 тонна кондитерлік өнімдер мен 2 тонна макарон өнімдері, 0,2 тонна тұз, 1 тонна кептірілген жеміс және 66 тонна жеміс-жидек пен көкөніс өнімдері бар.

Әсіресе, Жуалыдан арзан бағаға жеткізілетін картоп саудаланатын жүк көліктері маңында жұрт қарасы үнемі қалың. Сондай-ақ, бұл жолы базарларда 350 теңгеге сатылатын, ал жәрмеңкеде 180-200 теңгеге ұсынылған алманы көтере сатып алуға ниеттілер көп болды.

Айта кету керек, облыстың тауар өндірушілері өз тауарларын жәрмеңкеде делдалсыз, тікелей тұтынушыларға сатады. Нәтижесінде, тауарлар құны нарық бағасынан анағұрлым арзанға түседі. Осылайша, жәрмеңкенің пайдасын саудагер де, сатып алушы да көріп отыр.

Мұнда сауда-саттықтан өзге мәдени-көпшілік шаралар да назардан тыс қалмауда. Алаң төрінде облыс өнерпаздары әннен шашу шашып, келушілерді көтеріңкі көңіл-күймен қарсы алып жатса, жергілікті атқарушы билік пен демеушілер әлеуметтік топ санатындағы азаматтар мен жалпы жұртшылыққа ыстық тамақ ұйымдастырған. Бұл жолы жалпы саны 250-ден аса адамға арналып дастархан жайылды.

«Ақ жол»